Здружението за ретки болести им додели благодарници на Наташа Неданоска и на Вики Клуб Охрид за уредувачкиот маратон во рамките на соработката со кампањата „Ги запознаваме ретките болести“. Википедија на македонски јазик е збогатена со статии за 83 ретки дијагнози!
Наташа Неданоска е професор по македонски јазик и литература, работи како наставник во основно училиште, координатор на Вики Клуб Охрид и едукатор за образование на ГЛАМ Македонија. Секоја година, Вики Клуб Охрид го посветува месец февруари на збогатување на содржините на Википедија на македонски јазик и подигање на свеста за ретките болести под мотото „За да не се ретки оние кои знаат за ретки“. ГЛАМ Македонија им благодари на сите волонтери на Вики Клуб Охрид за успешното збогатување на Википедија на македонски со содржини од големо значење.
