admin

Во тек е меѓународната кампања „Статии без илустрација 2023“. Се информираат  сите заинтересирани уредници на Википедија на македонски јазик дека е во тек уредувањето и трае до  31 август 2023 година.

Неколку информации за овој натпревар:

Статии без илустрација (анг. Wikipedia Pages Wanting Photos, WPWP) е кампања на меѓународно ниво за вметнување на илустрации во статиите на кои им недостигаат. Илјадници фотографии се поставени на Заедничката ризница преку разни ГЛАМ проекти, како и преку фотографските натпревари низ годиниве. Идејата е да се искористат фотографиите и останатите илустрации во соодветните статии. Ова е огромен јаз кој оваа кампања се обидува да го премости. На Википедија на македонски јазик, организатори на оваа кампања се здруженијата на граѓани „ГЛАМ Македонија“ и „Споделено знаење“.

Повеќе инфо на следниот линк https://mk.wikipedia.org/wiki/Википедија:Статии_без_илустрација_2023

Приклучете се и освојте една од наградите!

На 21.05 во Кинотека на С. Македонија имаше свечено доделување на награди и дипломи за победниците од едномесечните уредувачки предизвици ‘’Запознај ја Италија’’ и ‘’Во Фокусот Италија’’ во кои учествуваа членови од Вики клубовите во Македонија и студентите од италијанската катедра на Филолошки факултет „Блаже Конески“ – Скопје.

Настанот беше во состав на недела на италијанскиот филм, кој се одржуваше во Кинотека во Скопје.

На последниот ден од филмскиот фестивал 21 мај, во 20.00 часот, амбасадорот на Италија, Андреа Силвестри свечено додели единаесет награди на добитниците кои ги дадоа своите најдобри придонеси на Википедија на македонски јазик на теми поврзани со Италија.

Целта на уредувачките предизвици беше да се намали недостатокот на статии со италијански теми за музика и филм, култура, историја, познати личности од Италија на Википедија на македонски јазик.

На уредувачките натпревари се создадоа 875 нови статии поврзани со Италија на Википедија на македонски јазик.  Досега, од ваков тип на уредувачки натпревари се имаат успешно реализирани со Унгарија, Русија, Германија, Шведска и Србија.

‘’Во иднина очекуваме уште многу натпревари и настани од ваков тип за различни земји и култури’’. – изјави Снежана Штрковска – председател на Глам Македонија.

Настанот беше организиран од страна на Амбасадата на Италија во Скопје во соработка со здружението ГЛАМ Македонија.

Во организација на здружението ГЛАМ Македонија, на 11 мај 2023 година, организираше семинар за наставници од ООУ „Ѓорѓија Пулевски“ во Општина  Аеродром во Скопје.

На предавањата, учество зедоа дури 22 наставници по различни наставни предмети, а предавачи беа М-р Татјана Гогоска која зборуваше за Медиумската писменост и култура кај возрасните и нивното влијание врз деца, Ана Вишинова за Вики Клубовите и Вики Камповите, и претседателката на ГЛАМ Македонија – Снежана Штрковска, која наставниците ги запозна со активностите на организацијата.

На крајот од 3 часовниот семинар, сите учесници се здобија со Сертификат за успешно завршен семинар.

Обуката за наставници е дел од образовната програма на ГЛАМ Македонија.

Во фокусот: Италија беше уредувачки едно месечен предизвик за студентите од италијанската катедра на Филолошки факултет „Блаже Конески“ – Скопје, што се одржа од 01 април 2023 до 30 април 2023. Проектот беше во организација на Здружението ГЛАМ Македонија а поддржан од Амбасадата на Италија во Скопје.

Во фокусот: Италија се спроведе со цел да се намали недостатокот на статии со италијански теми за музика и филм на Википедија на македонски јазик. Сите студенти од италијанската катедра беа добредојдени да го дадат својот придонес.

На уредувачкиот маратон беа создадени 39 нови статии од 6 студенти кои создоа статии на теми за музиката и филмот низ времето во Италија.

Според жири комисијата (Снежана Штрковска, Никола Стојаноски и Проф. Д-р Лучиана Гуидо Шремпф), резултатите можете да ги видите на следниот линк:

https://mk.wikipedia.org/wiki/%D0%92%D0%B8%D0%BA%D0%B8%D0%BF%D0%B5%D0%B4%D0%B8%D1%98%D0%B0:%D0%92%D0%BE_%D1%84%D0%BE%D0%BA%D1%83%D1%81%D0%BE%D1%82:_%D0%98%D1%82%D0%B0%D0%BB%D0%B8%D1%98%D0%B0#%D0%A0%D0%B5%D0%B7%D1%83%D0%BB%D1%82%D0%B0%D1%82%D0%B8

Најдобрите шест студенти ќе добијат наградите и дипломите.

Доделувањето на наградите ќе биде на 21 мај (недела) 2023 година во 20 часот во Кинотека на С. Македонија каде во склоп на денови на италијанскиот филм, амбасадорот на Италија во Скопје лично и свечено ќе им ги додели наградите на добитниците.

Голема благодарност до менторката Проф. Д-р Ирина Талевска и Проф. Д-р Лучиана Гуидо Шремпф, менторка и раководител на Катедрата за успешно завршен проект во соработка со Глам Македонија и Амбасадата на Италија во Скопје.

На 01 март 2023 година, започна едномесечниот уредувачки маратон за сите учесници на Вики Клубовите во Република Македонија „Запознајте ја Италија“ кој траеше до 31 март.

На уредувачкиот маратон беа создадени 836 нови статии од 50 учесници кои создоа статии на Википедија на македонски јазик кои недостасуваат на истата. Целта на овој уредувачки маратон беше да се намали недостатокот на статии поврзани со италијански теми за историјата на Италија, географија, култура, настани,  познати личности итн.

Доделувањето на наградите ќе биде на 21 мај (недела) 2023 година во 20 часот во Кинотека на С. Македонија каде во склоп на денови на италијанскиот филм амбасадорот на Италија во Скопје лично и свечено ќе им ги додели наградите на добитниците.

Добитниците ќе бидат лично контактирани за да се известат за условите на доаѓање. Според доделените поени од страна на жири комисијата, првите пет победници се според овој редослед, а останатите резултати можете да ги погледете на линкот: https://mk.wikipedia.org/wiki/%D0%92%D0%B8%D0%BA%D0%B8%D0%BF%D0%B5%D0%B4%D0%B8%D1%98%D0%B0:%D0%97%D0%B0%D0%BF%D0%BE%D0%B7%D0%BD%D0%B0%D1%98%D1%82%D0%B5_%D1%98%D0%B0_%D0%98%D1%82%D0%B0%D0%BB%D0%B8%D1%98%D0%B0#%D0%A0%D0%B5%D0%B7%D1%83%D0%BB%D1%82%D0%B0%D1%82%D0%B8

Најдобри се :

1. Марко К. = 981 поени
2. ПетарБарса = 965 поени
3. Kостовска= 772,5 поени
4. Eмилија Добрева = 432,5 поени
5. Лара Климент = 286,5 поени

Во деновите на 13 и 17 април 2023 година, членовите на Вики клуб Велес како дел од ГЛАМ
Македонија, под менторство на матичниот википедијанец и професор Лила Арсова,
координатор на Клубот, активно учествуваа на работилници, во просториите на медиотека во
Локалната библиотека „Гоце Делчев“ во Велес. Младите Википедијанци се запознаа со традиционалните народни инструменти гајда и кавал, кои се дел од духовното нематеријално културно наследство на Македонија.

На работилницата за запознавање со народниот традиционален инструмент гајда, гостин беше 85 годишниот Лазар Петровски од Велес. Тој на своите 48 години започнал да свири  гајда
најверојатно љубовта кон инструментот му ја пренел неговиот вујко кој исто така свирел на гајда. Учесниците на работилницата се запознаа со начинот на кој се изработува гајдата, од кои делови е составена, а потоа уживаа во звуците на гајдата во изведба на најстариот гајдаџија во Македонија Лазар Петровски, кој освен што свири на гајдата и пее и  има изработено и многу гајди.

На втората работилница нашиот млад и извонреден сограѓанин, велешанецот Филип Арилон, кој е дипломиран музичар,  на работилницата, ги запозна учесниците со народниот инструмент кавал.

Членовите на Вики клуб Велес воодушевено го слушаа Филип и беа љубопитни па поставуваа многу прашања, како на пример: од што се изработува кавалот, каква музика се свири на него, зошто одбрал да свири на народни традиционални инструменти, и слично.

Двете работилници беа проследени на меѓусебно задоволство, затоа што младите
Википедијанци и сите ученици во велешките училишта, можеа и да уживаат во музиката на овие традиционални народни инструменти.

Овие активности беа дел од програмата на здружението ГЛАМ Македонија за одбележување
на 20 годишнината од конвенцијата на УНЕСКО, за зачувување на нематерјалното духовно
наследство, што се одбележува во целиот свет.

На ден 5 април 2023 година, се реализираше работилница со учениците од СУГС “Никола Карев“ од Скопје.

Работилницата беше во просториите на Јавна Соба во Скопје и учествуваа 10 ученици кои ја надополнуваат и збогатуваат Википедија на македонски јазик со рок музички групи и бендови од Македонија.

Работилницата беше во времетраење од четири часа, а целта на истиот беше да се дообучат во уредувањето на статии како и да им одговори на сите прашања и забуни со кои се соочуваат при пишување на истите.

Присутни беа: Професорката и ментор Емилија Ристановска и Снежана Штрковска а гости на работилницата беа: Aвторот на рок енциклопедијата Тошо Филиповски и основачот на музички регистар Васил Буралиев.

На 1 и 2 април оваа година се одржа седмата по ред Викилајф конференција за уредници на Википедија од регионот во Белград.

Конференцијата беше одржана во СКИП центарот. Викилајф конференцијата беше во знакот на 20 години Википедија на српски јазик каде се одржаа многубројни предавања, панел дискусии, дружење и споделување на проекти поврзани со Википедија.

Оваа година, Глам Македонија ја испрати Фросина Димитрова – менаџер за администрација и логистика.

Викимедија Србија секоја година на Викилајф конференцијата ги поканува сите ученици од регионот да чујат и да ги споделат своите искуства и успешни проекти и модели на соработка кои би можеле да се имплементираат со заедницата во иднина.

Конференцијата заврши со доделување на наградата Викимедија „Бранислав Јовановиќ“. Ова е годишна награда која Викимедија Србија ја доделува на уредниците на Википедија на српски јазик за нивниот придонес во ширењето на слободното знаење. Овогодинешниот добитник на наградата е Драган Сатариќ, а признанието го доби поради неговото застапување за Википедија од самиот почеток.

Другите учесници се здобија со потврди за следење и присуство на конференцијата.

На фотографијата: сите учесници на Викилајв од првиот ден.

Во соработка и заеднички проект со Амбасадата на Италија во Македонија, Глам Македонија организираше и реалиизираше обука на десет студенти од катедратата на италијански јазик и книжевност од УКИМ.

Глам Македонија и Амбасадата на Италија во Македонија организираат проект кој е моментално во тек за едномесечен уредувачки предизвик ‘’Запознајте ја Италија’’, каде членовите на Вики клубовите се поканети да пишуваат и уредуваат статии поврзани со културата историјата и на други теми за Италија, додека пак студентите од УКИМ се поканети да пишуваат на теми за музиката и филмот низ времето во Италија.

За таа цел во петокот на ден 24.03 во просториите на УКИМ, студентите од катедрата на италијански јаизк имаа обука како се уредуваат и пишуваат статии на Википедија на македонски јазик. Предавачи на обуката беа Фросина Димитрова и Елена Крстева – вработени во Глам Македонија. Обуката беше во времетраење од два ипол часа. Гости на настанот беа Проф. Д-р, Анета Дучевска, декан на Филолошкиот факултет, менторката Проф. Д-р Ирина Талевска и Проф. Д-р Лучиана Гуидо Шремпф, менторка и раководител на Катедрата.

Студените се поканети да учествуваат и да го дадат својот придонес со нови статии за италијански теми  за музика и филм на Википедија на македонски јазик.

Да им посакаме добредојде и лесно уредување!