admin

Во организација на здружението ГЛАМ Македонија, на 6ти декември 2022 година, организираше уште еден семинар за наставници од ОУ „Александар Македонски“ во Скопје.

На предавањата, учество зедоа дури 15 наставници по различни наставни предмети, а предавачи беа М-р Татјана Гогоска која зборуваше за Медиумската писменост и култура кај возрасните и нивното влијание врз деца, Ана Вишинова за Вики Клубовите и Вики Камповите како и претседателката на ГЛАМ Македонија – Снежана Штрковска, која наставниците ги запозна со активностите на организацијата. На крајот од 3 часовниот семинар, сите учесници се здобија со сертификат за успешно завршен семинар.

Во хотел Метропол – Охрид од 14 до 16 октомври се одржува тридневна конференција со над сто википедијанци од дваесет и пет држави од централна и источна Европа.

Конференцијата под мотото „Повторно заедно“ започна со т.н. Learning day, каде што се дискутирaше за креативноста, влијанието на можните и присутни конфликти и стратегијата на работа на „Википедијанците“ од Европа.

Главен фокус на конференцијата беа проектите на Викимедија (Википедија и слични проекти) во земјите и заедниците од Централна и Источна Европа.

Трите дена беа посветени на разните структури во пишувањето на статии и текстови, за збогатување на Википедијата на македонски јазик, како и за вклучувањето на што поголем број креатори на содржини што ќе ја зголеми присутноста на македонски јазик во целиот свет.

Освен предавања, програмата беше збогатена со прошетка низ Охрид како и вечера за гостите во ресторан Билјанини извори.

Следниот ваков голем собир ќе се одржи во септември месец во Грузија.

Посебна благодарност сакаме да им изразиме на нашите 14 волонтери кои несебично и многу посветено помогнаа да имаме успешна и добро организирана конференција изјави претседателката Снежана Штрковска.

Им благодариме и на многу медиуми кои ја пренесоа и споделија конференцијата до публиката за овој многу значаен настан за нас и за сите Википедијанци низ целиот свет.

Oсобено горди и сѐ уште под силни импресии што бевме организатори на 11. годишен собир на Википедијанци од светот.

Статии без илустрација Wikipedia Pages Wanting Photos (WPWP) е кампања на меѓународно ниво за вметнување на илустрации во статиите на кои им недостигаат. Кампањата беше со времетраење од 01.07 до 31.08 оваа година.

Илјадници фотографии се поставени на Заедничката ризница преку разни ГЛАМ проекти, како и преку фотографските натпревари низ годиниве. Идејата беше да искористат фотографиите и останатите илустрации во соодветните статии. Во оваа кампања учествуваа повеќе од 15 википедијанци.

Резултати од уредувањето се следни:

1. Тиверополник: 2828 поени

2. Lili Arsova 1238 поени

3. Doni12345: 960 поени

4. Krstevska123: 218 поени

5. P.Nedelkovski: 131 поени

*Прва награда – ваучер во вредност од 12.000 денари (се доделува 1 ваучер на еден корисник)

*Втора награда – ваучер во вредност од 6.000 денари (се доделуваат 4 ваучери на четири различни корисници)

Им благодариме на македонските учесници и википедијанци кои го дадоа својот придонес и учествуваа во оваа кампања. За наградите и ваучерите ќе бидат контактирани лично.

На 14 септември 2022 година се одржува уредувачки маратон на тема EuroPride 2022. Активноста е дел од глобалниот повик EuroPride 2022 Edit-a-thon којшто се одвива од 12 до 18 септември 2022 година. Уредниците го дадоа својот придонес со вкупно 31 нова статија.

Сите новосоздадени статии може да ги погледнете на следниот линк.

Од 11 до 14 август 2022 година Викиманиа ги обедини сите википедијанци од целиот свет да го прослават и одржат отворениот пристап до знаењето. Оваа конференција е 17- та по ред и е глобален водечки википедијански настан кој по втор па се одржува онлајн, а членовите на ГЛАМ Македонија ја имаа среќата да ја следат заеднички со википедијанците од Македонија.  Беа одржани четири заеднички средби за следење на Викиманија: две во Скопје, една во Охрид и една во Велес.

Викиманија овозможува перспектива во динамиката, учење на нови трендови и придонеси на различните пошироки области на движењето на Википедија.

Дел од атмосферата на фотографиите:

Статии без илустрација Wikipedia Pages Wanting Photos (WPWP) е кампања на меѓународно ниво за вметнување на илустрации во статиите на кои им недостигаат. Кампањата е со времетраење од 01.07 и ќе трае до 31.08 оваа година, а резулатите ќе се објават на 10.10. 2022 година.

Илјадници фотографии се поставени на Заедничката ризница преку разни ГЛАМ проекти, како и преку фотографските натпревари низ годиниве. Идејата е да се искористат фотографиите и останатите илустрации во соодветните статии.

Наградите ќе бидат доделени на најплодните учесници, кои имаат поставено илустрација на најмалку 100 различни статии на Википедија на македонски јазик.

За македонските учесници се обезбедени посебни локални награди. Вкупно има 5 награди поделени на следниов начин:

1. Прва награда – ваучер во вредност од 12.000 денари (се доделува 1 ваучер на еден корисник)

2. Втора награда – ваучер во вредност од 6.000 денари (се доделуваат 4 ваучери на четири различни корисници)

Прочитајте ги правилата и земете учество.

Во организација на здружението ГЛАМ Македонија, на 30 јуни оваа година, успешно беше реализиран семинарот за наставници од О.У Кузман Јосифовски – Питу во Скопје.

На предавањата, учество зедоа дури 36 наставници по различни наставни предмети, а предавачи беа М-р Татјана Гогоска која зборуваше за Медиумската писменост и култура кај возрасните и нивното влијание врз деца, Ана Вишинова за Вики Клубовите и Вики Камповите како и претседателката на ГЛАМ Македонија – Снежана Штрковска, која наставниците ги запозна со активностите на организацијата.

На крајот од 3 часовниот семинар, сите учесници се здобија со сертификат за успешно завршен семинар.

На 24 јуни 2022 година се одржа уредувачки маратон на тема Светски ден на бегалците. Активноста е дел од глобалниот повик International Refugee Day Edit-a-thon 2022 којшто се одвиваше од 20-26 јуни 2022 година. Својот придонес го дадоа 19 уредници со 51 нова статија, кои ја збогатија Википедија на македонски јазик со нови статии и содржини.
Овие проекти се дел од Глам Македонија.

Сите новосоздадени статии може да ги погледнете на следниот линк.

Во деновите на 28 и 29 мај 2022 се одрша шестиот по ред Викилајв во белград, што е конференција на која српските Википедијанци и Википедијанците од регионот се собираат за да разменат искуства, да споделат технички решенија, и да договорат нови соработки.

Конференцијата беше одржана во СКИП центарот, а во текот на двата дена се одржаа и три тркалезни маси, односно паралелни сесии за образование, ГЛАМ програмата и разновидност.

Годинава ГЛАМ Македонија испрати свои претставници:

Наташа Старделова, која се вклучи со свое излагање во образовната тркалезна маса, и Снежана Штрковска, која имаше свое предавање на тема соработка со амбасадите.

На фотографијата: сите учесници на Викилајв од првиот ден.

На ден 25 05 2022 година се одржа свечено доделување на првите статуетки на Википедијанци за траен придонес, кое претставува највисоко признание кое што им се доделува на уредниците на Википедија на македонски јазик во знак на благодарност за нивниот долгорочен придонес кон проектот. Секој од наградените уредници се здоби со наградна статуетка со википедиски мотив – логото на Википедија.
Во план е  да се доделуват секоја година статуетки на Википедијанци кои ќе ги исполнат условите:
* најмалку 10 години од првото до последното уредување;
* најмалку 10 последователни години со направено уредување;
* најмалку 10.000 уредувања (без вратени и автоматски уредувања); и
* уредникот не бил блокиран на временски период подолг од една седмица

Ни претставува огромна чест и задоволство што овие статуетки ги доделува заедницата секоја година во знак на благодарност на Википедијанците кои се залагаат и ја збогатуваат Википедија на македонски јазик, изјави Снежана Штрковска председател на Глам Македонија.