Архива

На ден 5 април 2023 година, се реализираше работилница со учениците од СУГС “Никола Карев“ од Скопје.

Работилницата беше во просториите на Јавна Соба во Скопје и учествуваа 10 ученици кои ја надополнуваат и збогатуваат Википедија на македонски јазик со рок музички групи и бендови од Македонија.

Работилницата беше во времетраење од четири часа, а целта на истиот беше да се дообучат во уредувањето на статии како и да им одговори на сите прашања и забуни со кои се соочуваат при пишување на истите.

Присутни беа: Професорката и ментор Емилија Ристановска и Снежана Штрковска а гости на работилницата беа: Aвторот на рок енциклопедијата Тошо Филиповски и основачот на музички регистар Васил Буралиев.

На 1 и 2 април оваа година се одржа седмата по ред Викилајф конференција за уредници на Википедија од регионот во Белград.

Конференцијата беше одржана во СКИП центарот. Викилајф конференцијата беше во знакот на 20 години Википедија на српски јазик каде се одржаа многубројни предавања, панел дискусии, дружење и споделување на проекти поврзани со Википедија.

Оваа година, Глам Македонија ја испрати Фросина Димитрова – менаџер за администрација и логистика.

Викимедија Србија секоја година на Викилајф конференцијата ги поканува сите ученици од регионот да чујат и да ги споделат своите искуства и успешни проекти и модели на соработка кои би можеле да се имплементираат со заедницата во иднина.

Конференцијата заврши со доделување на наградата Викимедија „Бранислав Јовановиќ“. Ова е годишна награда која Викимедија Србија ја доделува на уредниците на Википедија на српски јазик за нивниот придонес во ширењето на слободното знаење. Овогодинешниот добитник на наградата е Драган Сатариќ, а признанието го доби поради неговото застапување за Википедија од самиот почеток.

Другите учесници се здобија со потврди за следење и присуство на конференцијата.

На фотографијата: сите учесници на Викилајв од првиот ден.

Во соработка и заеднички проект со Амбасадата на Италија во Македонија, Глам Македонија организираше и реалиизираше обука на десет студенти од катедратата на италијански јазик и книжевност од УКИМ.

Глам Македонија и Амбасадата на Италија во Македонија организираат проект кој е моментално во тек за едномесечен уредувачки предизвик ‘’Запознајте ја Италија’’, каде членовите на Вики клубовите се поканети да пишуваат и уредуваат статии поврзани со културата историјата и на други теми за Италија, додека пак студентите од УКИМ се поканети да пишуваат на теми за музиката и филмот низ времето во Италија.

За таа цел во петокот на ден 24.03 во просториите на УКИМ, студентите од катедрата на италијански јаизк имаа обука како се уредуваат и пишуваат статии на Википедија на македонски јазик. Предавачи на обуката беа Фросина Димитрова и Елена Крстева – вработени во Глам Македонија. Обуката беше во времетраење од два ипол часа. Гости на настанот беа Проф. Д-р, Анета Дучевска, декан на Филолошкиот факултет, менторката Проф. Д-р Ирина Талевска и Проф. Д-р Лучиана Гуидо Шремпф, менторка и раководител на Катедрата.

Студените се поканети да учествуваат и да го дадат својот придонес со нови статии за италијански теми  за музика и филм на Википедија на македонски јазик.

Да им посакаме добредојде и лесно уредување!

Глам Македонија и Амбасадата на Италија во Македонија потпишаа договор за меѓусебна соработка за едномесечен уредувачки предизвик ‘’Запознајте ја Италија’’.

Едомесечниот предизвик е во времетраење од 01.03 до 31.03 овааа година, а сите членови на Вики клубовите се поканети да учествуваат и да го дадат својот придонес со нови статии за италијански теми на Википедија на македонски јазик.

Како новитет во овој проект, на наше големо задоволство за прв пат ќе се приклучат и студентите од УКИМ од катедрата за италијански јазик и книжевност.

Проектот е во организација на Здружението Глам Македонија а поддржан од Амбасадата на Италија во Скопје.

Вработените и членовите на Глам Македонија оваа година неуморно работат и имаат за цел да се зголемуваат со нови клубови низ цела Македонија.

Па така на 10.03.2023 година, во ОУ. “Никола Карев” – Кочани, се отвори нов Вики клуб. Клубот го сочинуваат 10 ученици под менторство на наставник и магистер Љупка Стојменoва.

Учениците и новите членови добија обука за уредување статии на Википедија на македонски јазик. Веднаш, секој од нив направи своја статија со која го потврдија интересот за корисен волонтеризам.

Обучувач на учениците беше нашата вработена за назначена за образование: Елена Крстева коja им ги презентираше активностите, идните и минати проекти на Глам Македонија.

Да им посакаме топло добредојде и на наставник Кошев за долгата соработка и успешна реализација во остварување на активностите.

На 6 март 2023 година, по повод наближувањето на Меѓународниот ден на жената, се одржа уредувачки маратон на тема Жена. Сите уредници на Википедија на македонски јазик беа  повикани и добредојдени да го дадат свој придонес.

Пожелно беше статиите да бидат биографии на жени кои оставиле придонес за човештвото на било кој начин.

Свој придонес го дадоа 35 учесници и напишаа нови 50 нови статии на Википедија на македонски јазик.

Википедија и википедијанците на македонски јазик веќе неколку година наназад го даваат својот придонес на Википедија, пишувајќи за жените ширум светот.

На тој начин Википедијанците го прославија и го честитаа празникот на жената.

Дванаесет ученици од основното училиште во Центар ”11 Октомври” од Скопје добија обука за уредување статии на Википедија на македонски јазик.

На ден 03.03.2023 година, дванаесет ученици од шестто и седмо одделение добија обука како да уредуваат статии на Википедија.  Тренер на обуката беше: Елена Крстева.

Ваквиот тип на обуки се од наше големо значење и повеќе се од потребни, со цел македонската Википедија да се надоплонува со интересни и нови статии како и да се зголемува бројот на нови ученици кои сакаат да допридонесуваат на Википедија на македонски јазик.

Во организација на здружението ГЛАМ Македонија, на 2ри март 2023 година, организираше уште еден семинар за наставници од ОУ „Браќа Миладиновци“ – Аеродром во Скопје.

По повод  претстојното одбележување на денот на дивиот свет,  на ден 24. 02.2023 година (петок) Глам Македонија во соработка со Золошката градина во Скопје, организираа интересна активност- уредувачки маратон за учениците од СУГС ‘’Јосип Броз Тито’’ од Скопје.

Настанот се одвиваше во прекрасна атмосфера каде учениците најпрво беа прошетани и запознаени со животните низ Зоолошката градина со спезијализиран едукатор и вработен од институцијата. Потоа задача им беше да напишат/дополнат статии за животни кои недостастасуваат на македонски јазик на Википедија.

15 ученици пишуваа и надополнуваа статии на теми како за Белоглав
стрвинар, Антилопа, Туатара, Лемур, Зелена морска желка, Кафеав стаорец итн, создавајќи 17 нови статии на македонски јазик на Википедија.

Настанот беше во времетраење од три исполнети часа, проследени со многу едукација, забава, и пишување.

Се надеваме дека учениците уживаа во оваа активност и се надеваме дека во иднина ќе имаме уште многу интересни активности од ваков тип.

Посебна благодарност до Татјана Гогоска – вработена во Зоо Скопје, која ја даде идејата и заднички ја реализиравме истата.